Sevgi afsonasi

Film syujeti qadimiy rivoyatga asoslangan bo'lib, unda buxorolik yigit va hind qizi o'rtasidagi muhabbat hikoyasi tasvirlanadi. Balog'at yoshiga yetgan kuni Buxorolik savdogarning o'g'li Izzat Hindistondan keltirilgan naqshli ko'za sovg'a sifatida oladi. Ko'zaga quyilgan suvda u go'zal bir qizning aksini ko'radi. Bu qiz - uning tug'ilishidan avval taqdirida yozilgan bo'lajak kelin edi. Shundan so'ng Izzat uni izlab yo'lga otlanadi.