Barcha yangiliklar

Jeyson Staytem Tommi Shelbi roliga ilk tanlov bo‘lgan

Jeyson Staytem Tommi Shelbi roliga ilk tanlov bo‘lgan

Mashhur “Shelbilar oilasi” seriali yaratuvchisi Stiven Nayt kutilmagan faktni oshkor qildi: Tommi Shelbi obraziga dastlab britaniyalik aktyor Jeyson Staytem tanlangan ekan.


Naytning so‘zlariga ko‘ra, u Los-Anjelesda Staytem bilan uchrashib, rolni aynan unga berishga qaror qilgan. Ammo keyinchalik Killian Myorfidan kelgan qisqa, ammo ta’sirli xabar hammasini o‘zgartirib yuborgan:


“Esingizda bo‘lsin, men aktyorman.”


Shu jumladan so‘ng rejissyor qarorini qayta ko‘rib chiqadi va Tommi Shelbi rolini Myorfiyga topshiradi. Naytning aytishicha, Killian qahramon xarakteriga yanada chuqurroq dramatizm va ichki konflikt olib kira olgan.


Bugun Stiven Nayt bu tanlovdan juda mamnun ekanini yashirmaydi. Uning fikricha, aynan Killian Myorfi Tommi Shelbini zamonaviy televideniyedagi eng kuchli va esda qoladigan obrazlardan biriga aylantirgan.